港交所（388）行政總裁李小加噚日出席論壇做開場演講，神采飛揚，又講一次港交所未來有10個大計，呢10個大計非常好記，就係1個交易所，2個黃金，3個人民幣，4個通。不過當數緊有邊4個通嘅時候，小加就忽然醒唔起其中一個通，轉頭先「叮」一聲：「啊，是股指期貨通。」
其實一時忘記自己想講乜，所有人都試過，尤其係10個大計唔易記。1個交易所係指，前海聯合交易中心；2個黃金期貨產品，即係LME黃金期貨同港交所黃金期貨；3人民幣即係人民幣期權、人民幣指數期貨、人民幣債券期貨；4個通即係債券通、股指期貨通、商品通同新股通。
小加講speech，最拿手拋出比喻、金句、口號之類，好似舊年話香港金融市場要征服三座大山，即係股票、大宗商品、貨幣，佢講speech真係一流。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk