【本報訊】「大家好似坐喺度等死咁！」國泰航空裁員沒完沒了，在國泰後勤部門工作了3年的林小姐（化名），批評國泰裁員手法差劣，「從來未見過有公司做得咁差」。她形容現時公司內部員工士氣低落，「個個都冇晒心機做嘢，因為唔知自己幾時係下一個」。
有心理準備難逃一劫
國泰昨明言，受第二波裁員影響的員工可能未來一個月才收到解僱信，林怒斥：「從未聽過裁員行動可以拖咁耐，公司話年底先完成重組，即係年中搞到年底啦，根本冇顧及員工感受。」她稱不少員工以為第二波裁員屬一次性行動，豈料噩夢未終結，「原來（裁員）仲未完，仲有排等」。林工作的部門，是7個不受昨裁員影響的部組之一，但她已有心理準備難逃一劫，「公司話裁400人，我哋部門嘅員工都不能倖免」。
她指，不少年資長的員工都慨嘆員工士氣是歷來最差，「沙士時候，公司業績都好差，但嗰時公司推行無薪假，冇試過大規模裁員」。她又透露，其實自公司3月公佈業績後，部份員工已估計公司會有裁員行動，故選擇提早跳船，估計日後經濟好轉時，會有更多員工主動離職。
入職僅半年的空少何先生認為，雖然裁員不涉機組人員，但肯定影響士氣，「因為我哋係一個團隊！」不過，空姐陳小姐則指，公司應該「炒啱嘅人……即係對公司冇乜嘢貢獻，只會提無理政策嘅人」。
■記者盧文烈、袁嘉詠
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk