禮拜日（11日）沙田舉行七草三泥賽事，草地採用較狹窄的C跑道。於季尾階段，田草跑道偏差嚴重，近幾次均見內叠前置佔盡優勢，今次用C欄預期此情況將會繼續。
睇番上季6月12日同一移欄八場草地賽事，放頭馬只得兩匹不入前四名，當中「宇宙車神」、「帝豪寶貝」及「小米周」都係放頭帶到，具前速之馬匹仍然值得優先留意。
今戰列陣馬中，角逐第七場的「爭分奪秒」（蔡約翰馬房）上仗正是於田C欄贏馬，其練者安排休息三個月後，等番同一移欄再跑，養精蓄銳可再贏。
另外，出戰第六場「財高八斗」（姚本輝馬房）跑田C欄一次即勝，亦係全場唯一贏過此移欄之參戰馬，憑較佳場地性能可征服三班。
至於第二、三及八場的泥地路程皆為1200米，二月至今12場同程日賽，放頭馬取得六勝四位佳績，所以出戰第二場的「有福氣」（容天鵬馬房）、第三場「飛霞」（蔡約翰馬房）及第八場「盈利駿馬」（容天鵬馬房）等擅跑泥地之快馬可秤先。