周四世盃外亞洲區12強賽，澳洲喺B組主場對沙地阿拉伯，兩隊上半場入球梅花間竹，杜米祖歷先後喺七分鐘同36分鐘建功，兩次助澳洲領前對手，但都被沙地追和，好彩踢到下半場64分鐘，湯洛積禁區外勁射掛網，助澳洲奠定救命三分，目前同𠵱家已經同沙地、日本同得16分，但得失球差仍落後畀兩隊，而且八月仲要作客硬撼日本，形勢上冇咁着數。