香港LEGO Certified Store 7月喺銅鑼灣時代廣場開多間，粉絲又有機會搶購限量boxset，八方聽聞同期仲有另一款特別版迷你地標推出，仲首次用香港建築物做主題。講緊嘅係一套4款嘅「Build Amazing Hong Kong」香港地標系列，分別有大埔鐵路博物館、上環西港城、尖沙嘴鐘樓同中環前立法會大樓，係官方首次按照香港建築物推出嘅產品，仲搵埋港產樂高專業認證大師Andy設計，的骰得嚟相當神似。
樂高高級市場經理話香港全靠上一代人辛苦建設，先有𠵱家咁繁榮，就似砌磚咁，希望大家珍惜呢份精神，所以就同總公司力sell同港人有共鳴嘅建築物，由200幾個篩剩呢4個。每款得1,000盒咁多，喺指定地方買滿1,200蚊即可換一盒。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk