每逢打風落雨，打工仔最想就係天文台「掛8號波」，乘機唞番日。以前天文台公佈颱風消息，真係要派人去信號站，掛個數字颱風信號喺條鐵杆度；八方噚日去咗長洲氣象站展覽參觀，終於見到信號真身啦，成25公斤重，靠人手掛起都幾高難度。
台長岑智明話，手機未普及嗰時，戶外工作嘅市民除咗靠聽收音機聽颱風消息，就係睇吓信號站嘅標誌，特別係長洲出海搵食嘅漁民，所以長洲信號站2012年先停用。
講起天氣，八方問台長點解呢排預測好似唔多準，預測有雷暴點知好好太陽？佢就笑笑口解釋，雷暴預測唔易掌握，有好多唔確定因素，叫市民多啲留意天文台嘅update。
今年啱啱好係數字颱風信號系統100周年，天文台會搞導賞活動，香港郵政仲會發行主題郵票㖭。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk