差不多全部社交媒體都有向Snapchat「參考」，Instagram又點會例外，最新就加入4項新功能，但當然最好玩的Face Filters功能，同樣都是「參考」Snapchat；當然在眾多「參考」案例當中，Instagram算係最成功，故事模式仍然有好多人玩。iOS用家現時只需將Instagram更新到最新版本就玩得到新加入的4項功能，如在故事模式中揀選最右方的笑面圖案就可以進入Face Filters揀唔同造型，不過暫時只提供到10種造型，未算多。另外在拍片方面，除有大家玩開的Boomerang之外，亦新加入倒帶玩法，當拍完片後，影片會由尾開始倒帶播放，如果夾到特別主題的話，效果都幾搞笑。新功能還有「#主題標籤」貼紙（#Hashtag），可以直接在圖片或者影片中加入#Hashtag；亦能利用筆刷功能在圖片上加上特別的文字或圖案效果，都算幾好玩。
資料來源：Instagram
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily