雖然本屆香港打吡大賽剛於3月份才跑完，由已故的「佳龍駒」勝出，但各路人馬已隨即為下屆四歲三冠系列作籌備，好像大摩馬房剛戰勝出「火箭駒」，攻陷二班賽，在打吡路程2000米建功，已升至91分，其實以此駒的戰鬥力，只要保持進度，任何馬已不易在打吡擊敗牠。
另一個陣營練馬師蔡約翰，旗下「當家精選」有否長力跑打吡未知，但四戰全勝已達98分，肯定係下屆四歲三冠首關經典一哩賽主角之一。其實除了「當家精選」，蔡約翰另一駒91分的「爭分奪秒」，相信目標同樣直指經典一哩賽。
「爭分奪秒」服役7戰得3冠3亞1季，上名率100%，實力深不可測，已贏至1400米，下季更成熟跑一哩當然不成問題。
此駒已報周日（11日）二班1400米，原來「爭分奪秒」上仗勝後三度試閘之多，並兩度勝出，唞足3個月養精蓄銳才再來，備戰咁有誠意，即管睇睇呢匹準經典一哩賽參戰馬，進步到乜嘢程度。