又南操肌備戰開騷

又南操肌備戰開騷

黃又南、鄧鉅明與沈慧林等,昨日於金鐘出席萬希泉「陸叔設計系列產品發佈會」。又南近期於北京拍武打電影,他更不斷操肌備戰明年舉行的演唱會,目標是操至十一年前的爆肌身形,他說:「我天生可以操到八嚿腹肌,𠵱家六嚿,剩兩嚿,起碼要練到胸肌41吋,13吋手臂,我有信心做到。」
又南開心透露9月將跟拍檔徐天佑開新戲,他說:「好耐冇見佢嘞,佢都唔理我,希望佢快啲抱B。」他更自爆曾經計劃28歲結婚,之後生兩個BB,現在夢想落空,只好以工作行先。
採訪、攝影:羅慧敏