電競成為新世代嘅文化，李嘉誠基金會都好跟得上潮流，藉回歸20周年贊助「香港競XP」活動，除咗推介Nomadic實境虛擬體驗，仲同3香港及Razer合作，喺6月29日至7月9日於𤏸埔新天地時尚坊開設「電競打擂台」。
美國公司Nomadic VR提供嘅實境虛擬科技及場景設定，係香港引入嘅首個走動式、虛實場景結合體驗，等大家置身其中，感受前所未有逼真感，市民免費試玩。同場亦會擺擂台推廣電競，邀請世界知名電競好手來港同香港玩家切磋，並開放平台畀港青參與《英雄聯盟LOL》等電玩遊戲。
原來活動係想話畀大家聽，「打機唔等於廢青」，去年全球電競產業市場規模為4.6億美元，估計2019年升至11億美元，合作機構HKEsports都喺fb宣傳，出po嘅hashtag包括#打機有錢途、#誠哥好野。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk