華資企業近年部署交棒，噚日世城系4間公司世紀城市（355）、百利保（617）、四海國際（120）同富豪國際（078）舉行股東會，會後主席羅旭瑞除咗同執董范統，亦有叫埋阿女羅寶文（Poman）同阿仔羅俊圖（Jimmy）上台答傳媒問題，羅旭瑞專登畀好多啲機會Jimmy，不過就出現少少蝦碌。
其實Jimmy同細妹Poman早於2013年齊齊升呢做副主席，噚日爸爸羅旭瑞講到最新在美國收購嘅項目時，就諗住交畀仔仔發揮下，拋咗個波畀佢：「詳細啲嘅話，Jimmy可以講講」，但停頓咗幾秒，Jimmy竟然冇反應，羅旭瑞都算反應快，即刻接番個波，自己繼續講，瞬間化解尷尬氣氛。
之後繼續問美國業務，羅旭瑞又畀機會Jimmy，指「呢個問題，Jimmy有研究開，或者佢可以補充下」，Jimmy呢次就收到嘞，好淡定咁答問題，似係事前有做好功課嘅。不過，下次羅旭瑞交波前，都係先打個眼色好啲。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk