【本報訊】筲箕灣耀東邨老夫勒斃病妻悲劇，80歲疑兇黃伯昨晚被落案一項謀殺罪，今日於東區裁判法院審訊。其胞弟昨到殮房認屍後，提及兄長照顧有病大嫂心力交瘁，最終崩潰狠心殺妻時，黃弟不禁痛哭流涕，「佢（哥哥）真係好辛苦，佢照顧得阿嫂好好，唔知點解佢會做出咁嘅儍事」，希望法官可寬恕其胞兄，從輕發落。
「有安樂死就唔會咁」
他說胞兄疼愛大嫂「成日為佢（大嫂）按摩、煮飯畀佢食，同佢沖涼，樣樣做齊」，而其妻在案發前一晚還致電胞兄問候，「當時佢話冇事，冇講過唔開心嘅嘢」。豈料翌日傳來噩耗。說至此，黃弟忍不住掩面痛哭，訴說兄長苦況，又謂兄長腳有關節痛又有小腸氣，「希望法律可饒恕我哥哥，佢其實都唔想，希望你哋幫吓佢，唔好等佢坐監」。他又慨嘆「若香港有安樂死嘅話，就唔會有咁嘅事」。
黃弟說兄長原為巴士公司維修員，退休後曾做看更，大嫂則在寫字樓做清潔工，兩夫婦育有一子，原住大坑木屋區，但於10年前當時23歲的獨子因患上腸癌跳樓亡，剩兩老相依為命。
3年前大嫂因入院期間中風，出院後，曾入住一間護老院近一年，當時大嫂病況很差「手腳都郁唔到」，其兄每天往探望及替她按摩，大嫂病況好轉可用助行架行路，其後她因住得不舒服，又不想丈夫奔波，於是搬回家。
議員轟無改善安老服務
端午節那天他曾往探望兄長，見大嫂右邊身不能動，且透露很辛苦，但要等覆診才能看醫生，而家人曾提議聘工人照顧，但兄長稱不習慣家中多一名陌生人。對於社署指其大嫂沒有接受獲編配的資助宿位及日間護理服務，黃弟說他不清楚事件，但知大嫂曾使用過非緊急服務的車輛去做物理治療，而案發後他未見過其兄，正設法通知大嫂的親人。
立法會議員邵家臻對慘案極度痛心，承諾會作法律支援。他說，現時65歲以上長者有44.6%活在貧窮線下，同時每10名長者便有1人有抑鬱症症狀，但超過一半抑鬱症患者沒有尋求協助。
現時約有4萬名長者在輪候資助護理安老宿位和護養院宿位，平均輪候時間長達33個月；去年輪候期間離世的長者已突破6,000人。他批評政府沒有資源改善安老服務，亦沒有足夠專業人士介入。
■記者劉漢權、蕭敏儀
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk