海洋公園哈囉喂全日祭踏入17周年，今年打造陣容最鼎盛嘅團隊，招聘逾2,200名鬼才，包括1,200個嘩鬼演員、400個後台工作人員同600個前線服務員工，首場「招魂大典」本周六（10日）喺鑽石山荷里活廣場舉行，部份職位會即場試鏡，當日亦有化妝示範同精采舞蹈表演。
園方話好重視創意、熱誠同團隊合作精神，如果應徵者喺甄選過程表現出相關特質，似乎有望加分，而嘩鬼演員嘩鬼則除咗要有演技，仲要樂於同遊人互動。
呢班鬼才嘅短期職位合約期由7月開始（小部份由8月開始）至11月底完結，時薪由53蚊到190蚊不等，嘩鬼演員獲聘後會接受平均逾30小時嘅演藝培訓。而今年全日祭由9月中至10月31日期間，周五至日及公眾假期舉行。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk