香港有唔少巴士迷，揸巴士大家又試過未？大埔超級城即日起至父親節（18日）會展出1:1「真．巴士」駕駛艙，等老竇同仔女齊齊變身巴士司機，一家大細揸巴士影相呃like。
同場亦有3架非常得意嘅聰明巴士，以及3個1.5米高嘅車長、站長同維修員造型公仔，陪住大家過節；另亦有巴士模型喺以西貢碼頭作藍本嘅場景車路上行走，首日仲會發售限量版1:76、12.8米Facelift巴士模型、啟德機場豪華巴士1:43模型。
原來呢次係九巴舉辦嘅「親親Ba巴」活動，除咗九巴仔現身同大家say hello，大會仲會提供車長、站長同維修員等制服，相信一眾巴士父子／女兵團等住出動。詳情可參閱九巴facebook。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk