Bandai出Star Wars模型都好一陣子，初期的確非常叫好，以日本超高準繩度的模型製作技術，的確大大降低玩家入門門檻，須知以往同類星戰模型，就連左右拍合都可能出問題；不過隨時間發展， Star Wars模型系列感覺跳不出人物框框，再加上將舊模放大、變得更Details又當新模型推出，的確令人有感開始無力。
不過最近這個星戰模型系列終於有一款惹起人興趣的新出品，就是1:72的千歲鷹（Millennium Falcon），老實講！2015年推出的1:144舊版千歲鷹，肥通還有一盒未砌的放在枱底，為何這款大比例會惹起玩家討論；原因是它標榜的是「PERFECT GRADE」，據稱模型的精細度，能完美地將電影中的千歲鷹每一個細節重現，亦即是不少星戰迷最喜愛的道具級數，如果真心砌得靚，真係可以用佢嚟開片拍《星球大戰》都無問題！
可能大家有點疑惑，所謂的1:72又是多大呢？原電影中的機長是1.72米，而這幅模型亦有0.48米，相信香港市面一般買到的Display櫃，要將佢收納都有一定問題，更正是機身機艙、引擎、起落架及升降艙門都有裝LED燈設計，所以說是非常忠於電影原著，不過香港玩家最大考慮點，當然是收納問題，家真的放得下嗎？模型預估短時間內會在網上接受預訂，價錢是43,200日圓，折算約$3,012。
記者：朱崇德
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily