夏日熱辣辣，最好就去玩水消暑。巴黎聖日耳門門將奇雲查普同女友Izabel Goulart去咗西班牙伊維薩島打沙灘羽毛球。
阿仙奴早前贏咗英格蘭足總盃冠軍之後，球季正式告一段落，而陣中球星禾確特就因為冇入選英格蘭代表隊，唔使為三獅軍團喺國際賽期效力，最近就同家人去咗法國度假，享受陽光與海灘，禾仔仲畀人影到同大仔Finley玩得好開心㖭。不過講到最搶眼，當然係禾仔個靚老婆Melanie啦。同禾仔青梅竹馬，2004認識之後九年先至喺2013年結婚嘅Melanie，舊年近年尾先至生完第二個仔，但著住白色比堅尼泳衣嘅佢身材依然好有睇頭。