恒地（012）主席李兆基（四叔）自1987開始做東亞（023）非執董，到2013年冇做，交畀佢大仔李家傑頂上，加埋至今都有30年。不過李家傑好曳喎，上個月5度減持東亞股份，套現逾3,500萬元，好似唔多畀面世叔伯，就算東亞生意麻麻，都唔使高調減持㗎！
不過，聽講今次純粹一場誤會，李家傑私人冇沽東亞，實情係恒地旗下煤氣（003）有投資東亞，好多上市公司都有投資股票食息嘅，咁煤氣最近調整投資組合，減持東亞，咁聯交所嘅申報制度又好特別，數到最終受益人係乜水，咁李家傑係東亞董事，咁咪披露咗囉，呢次並唔係佢個人減持。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk