有親中團體噚日喺培正小學搞咗個中聯辦協辦嘅慶回歸活動，民建聯立法會議員陳恒鑌都一早現身活動會場門口，可惜職員完全唔認得佢係議員，要求佢進場時先出示名牌，阿Ben似乎相當冇癮，最終喺門口同黨友政助徐英偉影咗幅合照就走人。
呢個團體搞嘅慶回歸活動，當中都有唔少無厘頭項目，包括喺6月30日全家鏟泥齊種樹，唔好心邪住，其實係搵嚟30幾個內地省巿嘅青年學生，帶埋鄉下嘅水同泥來港，撈埋一齊攞去太平山山頂，種35棵將會砌成心形嘅紫荊樹。但泥好似唔入得境噃，唔通佢哋有辦法？
大會又會喺6月30日晚喺紅館搞「香港青年音樂節」，愛國藝人王祖藍等都會現身表演，仲安排新聞主播同中國太空人及早排成功登峯嘅女教師曾燕紅分享交流，再喺當晚就回歸廿周年倒數。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk