瑞聲科技（2018）終於等到個好時機復牌，有埋另一沽空機構匿名出報告力撐，唔知有意定無意，就係夾啱天時、地利、人和，目的好明顯，就係想挾死淡倉。好淡友定勝負，即將開估毋須多講，同樣值得留意會係一向被視為瑞聲細佬嘅舜宇（2382），呢個moment，小弟會投舜宇一票，睇下估得啱唔啱了。
撐舜宇理據逐個數。一，瑞聲停牌期間，基金要減持手機板塊避險，場內只能以舜宇作為替代品去沽，令舜宇沽壓double。瑞聲復牌即使股價係跌唔係升，舜宇之後一樣會如釋重負，沽壓減輕。
二，舜宇好可能喺本周五至下星期一期間公佈5月營運數據，之前管理層講到明3、4月淡季，但條數仍然超爆勁，5月數據相信會增長得更驚人。
三，市場對於舜宇呢類手機股出現恐慌，但恐慌只係表面，股價距離高位，都只係最多下跌18%，即係話畀你聽，大戶一點不恐慌，所謂嘅驚，只係得把口。
四，睇圖，渾水噚日打開口牌話會沽空一隻港股，一度拖累舜宇急插7%，然後呈單日轉向，底部有強大成交撈底，形成下影線極長嘅錘頭，股價有機會見底。
晉佳
http://www.fb.com/advanceguy1
本欄逢周一、三、五刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk