工銀亞洲噚日舉行發佈會，推出網購平台「惠生活」，係少有本地銀行打入埋網購業，首輪主打寵物用品銷售，不過發佈會backdrop寫住「慶祝回歸20周年系列活動」究竟兩者有乜關係？
新平台首階段主打係寵物商品，有30個商戶參與，銷售約400項寵物糧食、日用品、酒店產品等，持有工銀主打寵物消費嘅信用卡就有優惠，未來會逐漸拓展到其他票務、旅遊等領域，所以旅發局都有派代表撐場。
不過，除咗backdrop，華華諗唔明，呢件事點解同慶祝回歸有關係，因為連新聞稿同埋個活動本身都未有提過關於回歸嘅事。工商銀行高層吳翔江致辭時就話，呢個網購平台希望幫到企業打開線上銷路，對本港經濟、民生、社會有貢獻咁話。如果係咁，都可以話同慶回歸有啲關係嘅。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk