近日東非多個地方出現糧食危機，噚日香港紅十字會同樂施會等5個組織合辦「六月『非』餐」，請咗前財政司長曾俊華同四眼Que后吳安儀等親身體驗災民嘅膳食。
薯片叔叔話佢一早就知道會被安排食薯皮，試食嗰陣，佢眼甘甘咁望住其他人嘅碟，係咁問人哋「好唔好食？」、「夠唔夠食？」，試食完後就話「薯仔皮味道似薯片」；四眼妹就拎到西蘭花，主持人問到佢時，佢欲言又止，原來佢「驚牙罅攝住菜」，又以「stay hungry」精神為當地災民打氣，希望佢哋盡早脫離飢餓。
薯片叔噚日似乎唔想答政治嘢，問佢有冇考慮田少嘅政治聯盟，佢話冇諗過；問點睇未來政府班子，佢就話留畀現任同下屆政府自己諗。至於前日六四，佢話「今日（即噚日）冇睇報紙」冇回應喎！
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk