講開滙豐，仲有一單，滙豐、Walmart同德勤今年搞咗個「女性高管聯盟」跨企業導師計劃，要幫華南區嘅未來女性領袖提升地位，導師有男有女，但學員就只限女性參加，唔知滙豐香港一姐施穎茵有冇份教呢？
呢個計劃主要透過活動同研討會，為有潛力嘅女性人才提供指導，幫佢哋實現個人理想，亦都可以加強人脈網絡等等，為期12個月，參加者來自香港、廣州、深圳，並且由上述三個機構派出導師，想參加嘅人就一定要係女性。
滙豐本身算係重視女性權益嘅好例子，事關兩任滙豐香港區嘅阿頭都係「一姐」，分別係馮婉眉同現任嘅施穎茵，而睇大中華區嘅黃碧娟都係女性，喺重男輕女嘅華人社會，佢哋可以上位實在唔容易。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk