豆腐火腩飯一向代表男人的浪漫，香港快運（HK Express）竟然將豆腐火腩飯與「港爸」拉上關係。
下個星期日（6月18日）係父親節，香港快運於是將一架空中巴士A321命名為「豆腐火腩飯」，向好爸爸致敬。兩者有乜關連？香港快運話，炮製一碟豆腐火腩需要唔少功夫同耐性，就好似默默為家庭付出嘅爸爸一樣咁喎。
講到尾，香港快運都係想藉此sell新一輪機票優惠，推出5,000張低平價機票，畀大家慶祝父親節。唔知有幾多仔女會買平機票同爸爸去個浪漫旅行呢？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk