【本報訊】荷航客機高空遇氣流致9人受傷，乘客講述事發一刻猶有餘悸，指一度以為是墜機，不少人被拋離座位；有乘客指今次無人嚴重受傷是幸運。
「feel到好大離心力」
在英國留學的范小姐由英國飛荷蘭再轉機返港，她步出機場見家人接機即相擁定驚。她指當時感到有股氣流造成機艙顛簸，立即捉實前座，未幾機艙如跳樓機般急降，「我驚到嗌咗一嗌，以為係墜機，見到隔籬男人撞到上面行李位」。
由於她坐在客機中間位置，顛簸幅度相對較小，故無受傷，但有不少乘客撞傷頭部。同坐於客機中央座位的陳先生則指，事發一刻無扣上安全帶，結果拋離座位撞天花板，幸傷勢輕微，毋須送院。
另一位乘客高小姐稱，意外時乘客剛用餐完畢，空姐正推着餐車收拾餐具，機長廣播稱客機將在30至40分鐘內抵港，其間未有亮起扣安全帶燈號，乘客亦可自行離座往廁所；惟遇上氣流一刻形勢急轉直下，「急降幾十呎，feel到好大嘅離心力，見到好多人同埋啲雜物一齊飛起，撞向客機天花板，隔咗2、3秒先跌返落嚟，好多乘客都大聲尖叫，好驚！」她猶幸當時扣着安全帶才安然無恙。
■記者文兆麟
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk