隨住皇家馬德里衞冕歐聯，今年歐洲超級盃戲碼已經落實，8月8日喺馬其頓舉行嘅呢場賽事將會由皇馬對今屆歐霸盃冠軍曼聯，即係摩連奴（圖）會倒戈鬥皇馬。皇馬曾經喺02、14同16年贏得呢項錦標，至於曼聯唯一一次贏就要數到1991年，當時佢哋係以歐洲盃賽冠軍盃身份，1:0小勝歐冠盃（歐聯前身）冠軍貝爾格萊德紅星。