長實地產（1113）舊年賣樓成績，輸對家新地（016）幾條街，佢哋成日呻話，俾預售樓花同意書拖住冇得賣樓。於是乎，今年長實旗下樓盤一拎到預售樓花同意書無耐，就嗱嗱臨賣樓，市場統計到目前為止，長實今年賣樓條數應該超過200億元。
條數咁靚，長實樓神趙國雄噚日出席賣樓活動時，真係笑到見牙唔見眼，話賣5個月樓就已經夠全年Quota，牙擦擦咁話嚟緊要唞一唞，開始籌備一個好特別嘅慶功宴，到時先正式公佈公司賣樓袋咗幾多錢呀，認真巴閉。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk