上月28日係「家庭節」，呢個係香港賽馬會慈善信託基金同港大李嘉誠醫學院公共衞生學院合辦嘅「愛＋人：賽馬會和諧社會計劃」旗下活動，港大公共衞生學院講座教授林大慶（圖）瞓身響應，嗰日同屋企人食自助餐慶祝，笑指如果喺屋企食，對太太或者媽媽嚟講，身水身汗煮嘢好辛苦，所以支持外出開飯。
「家庭節」係想推動同家人多啲相處，林教授都話家人畀咗佢好多正能量，對工作或事業都有幫助，自爆出差到外地開會時，一有時間或者開完會，返到酒店就會同太太FaceTime，雖然只係好短時間，已經好開心，最重要係太太又知道自己情況！
佢覺得現代人因為工作忽略同家人相處，建議一星期盡可能飲一次茶，如果真係抽唔到身，就要多啲用手機以WhatsApp溝通，畀家人感覺到嗰份關心。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk