曼城翼鋒史達寧唔通係現代韋小寶？點解咁講？皆因佢成日高調「偷跳」，繼之前同模特兒韋絲達芙姊妹去咗加勒比海玩之後，喺五月尾呢名英格蘭國腳又被拍得同23歲嘅𡃁模妮高米娜齊齊飛去牙買加玩咗五日，睇佢哋喺機場啲溫馨相，唔知仲以為佢哋係拍緊拖嘅情侶㖭！不過，難得嘅係史達寧嘅女友佩芝就對佢死心塌地，仲同佢連仔都生埋㖭。