墨西哥國家隊正在備戰今夏嘅洲際國家盃，星期四就喺友賽以3:1輕取愛爾蘭，原來嗰日亦係墨西哥嘅前曼聯球員、效力利華古遜嘅查維亞靴南迪斯（小豆）29歲生日。「小豆」嘅國家隊隊友亦好有心，賽前喺更衣室同佢慶祝生日仲請佢食蛋糕㖭。之不過，早有準備用毛巾圍喺頸度嘅「小豆」，吹完蠟燭之後就畀隊友將佢個頭㩒落去個蛋糕度，用「顏面」食蛋糕，魯爾占美尼斯更加係咁向「小豆」擠茄汁，呢個生日「小豆」肯定好難忘！
至於今屆洲際國家盃6月17日至7月2日將會喺2018世界盃主辦國俄羅斯舉行，參賽球隊包括有德國、澳洲、智利、墨西哥、新西蘭、葡萄牙同喀麥隆。