畀條題目考大家：想將手機內的數碼影像轉成即影即有實體相片，到底有甚麼方法？事實上，為手機加上即影即有相機機殼，又或者將手機內數碼影像轉存到數碼即影即有相機印相都係辦法，但成本唔低，嚟緊有件產品可以直接將手機內的數碼影像轉成即影即有實體相片，既唔使用墨盒印相，而且產品平到約約$240就買得到，係唔係好期待呢？這件產品名為Printoss，係由日本玩具生產商Takara Tomy出品，賣點是簡單易用，只要將開啟了想印成相片數碼影像的手機放在Printoss上方，按下快門掣並再攪幾下轉盤，就可以拍出一張實體相片，完全唔使用上墨盒，甚至連電都唔需要，只需放入instax mini相紙就用得。Printoss仲可摺埋收藏，帶去旅行「印相」都好方便。最難得是Printoss定價只是3,480日圓（約$244），非常抵玩，不過廠方預計要到9月底先會正式推出，仲要有排等。
資料來源：Takara Tomy
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily