其實咁多年嚟本港馬遠征日安田紀念賽，只得兩代名駒「靚蝦王」同「牛精福星」贏過。而最近「牛精福星」贏嗰次，已經講緊11年前了。
之後參戰嘅香港賽駒，喺安田呢場日本頂級一哩嘅成績，平均嚟計只得第11名左右，殘酷啲嚟講真係慘敗居多，但本地練馬師同馬主依然相當踴躍派馬遠征日本參戰。今年就有告仔嘅「美麗大師」同蔡神仙嘅「詠彩繽紛」擔大旗。
講講歷史，11年前贏安田嘅「牛精福星」就由告仔訓練，而佢想贏多一次嘅雄心，一直未減，仲話贏到安田一直都係所有馬圈中人好想達成嘅成就。而蔡神仙遠征安田嘅成績，一路唔太好，最叻個次得08年「好利威」不敵名雌「伏特加」奪亞，但蔡神仙唔似告仔咁，對個人榮耀唔太睇得好重，只希望贏大賽可以向馬主交代，以及助長香港賽馬繼續發展落去。
蔡神仙仲話日本賽駒近年經常來港都取得好成績，希望藉呢個機會作客同佢哋再次一較高下，同時俾啲顏色佢哋睇。不過點都好，希望「美麗大師」同「詠彩繽紛」能夠為港爭光。