趣趣地：基奧特戴帽夠「巴」閉

禮拜五上演嘅國際賽，法國主場5:0大破巴拉圭，基奧特連中三元，成為自2000年查斯古特後，首個代表法國國家隊上陣演出帽子戲法嘅球員，加上穆沙施素高及基沙文於76及77分鐘接連破網，為法國鎖定5:0勝局，為下周五作客瑞典嘅世界盃歐洲區外圍賽打支強心針。法國𠵱家喺世盃外歐洲區A組排榜首，瑞典落後三分排第二位。