歐洲足協禮拜五喺歐聯決賽地點卡迪夫舉行咗場名宿六人賽，由古列治明星隊對布達堅奴明星隊。古列治明星隊呢場着白衫，成員包括卡富、史坦高域、皮利斯、迪西里等球員，至於布達堅奴明星隊着藍衫，入面有沙加度、費高、卡路士、麥馬拿文、迪高同古莊臣等。最後，兩隊炮製咗30個入球，古列治明星隊贏咗18:12。