【本報訊】一張凳、一本簿、一支筆，一男子5年多前以此「三寶」，擊倒手拿一瓶酒、一隻杯的另一個男子；現在，梁振英說得最多的是「一帶一路」，那張凳、那本簿、那支筆，原來只是道具，見識過梁振英手段的工聯會陳婉嫻受訪時說：「係！佢誤導咗我哋，呢個字最準！」
記者：呂浩然
陳婉嫻接受本報訪問，回憶5年前特首選舉，當時梁振英對低下層關注、身體力行見基層人士，真的打動到陳婉嫻，「（五年前）喺荃灣一個商場，（梁振英）當時講貧窮、就職困難、低薪，我係講者、佢係講者，當時佢仲未係特首，有個阿姐問佢：『你哋啲老闆知唔知我哋幾慘？』佢話：『得，我記住，我幫你手』，呢個印象好深刻」，還有梁以「一張凳仔、一支筆、一本簿」見市民、「佢唔係坐私家車嚟，坐地鐵嚟，一落嚟見到老人家就踎低同啲老人傾偈」，當時梁振英種種表現，陳直言令她有很好印象，「唐唐（唐英年）反而冇呢啲嘢」。
指選前形象工程好
到梁推出首份施政報告，由於他在扶貧方面仍算有交代，陳婉嫻對他評價仍是正面，直到梁交出第二份施政報告後，完全無交代標準工時等選舉承諾，陳直言「開始冇（希望）喇」，「（標準工時問題）唔係早一、兩年就可以處理㗎嘛，因為我哋知道標準工時係一個好複雜嘅嘢嚟㗎嘛，唔係你話要做就做。」
陳婉嫻認為，梁施政問題在於太過計算，認為不用理會包括基層的反對聲音，「可能佢喺某個部份（市民）好受歡迎，咁佢受歡迎就完全跟嗰個軌迹去行，咁佢睇唔到另一部份人喎，嗰部份人唔好話去到好大比例，就算兩成、三成，都要處理呢個矛盾」，不能用「打到佢歸邊」手法處理反對意見，「就算我唔同意你，起碼你喺一啲地方攞番中軌，我諗呢點佢（梁振英），呢幾年我覺得係冇」。
回望過去5年梁施政走樣，曾被稱「保梁局」主席的陳婉嫻直言，很難說梁參選時用種種手法，欺騙她們這班支持者，「我諗佢（梁）成功囉，肯定唔係選咗先做（形象工程），之前已經做咗，好早做，變咗我哋呢班人、或者我呢啲俾人叫做『保梁局』主席就有原因」，她認為較貼近的說法，「我諗你問我今日呢，係！佢誤導咗我哋，呢個字最準！」
梁振英卸任在即，記者問陳婉嫻對梁有何臨別贈言，她想了一會說：「好似畀佢（都）冇乜意思喎，可能都唔睬你喎……（沉默40秒）佢要放下身段，團結一齊可以團結嘅人。」
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk