女子組合Robynn & Kendy最初為人認識係因為5年前喺YouTube翻唱經典歌曲，其中《思念是一種病x Where is the Love》呢個cover有逾二百萬點擊率，片中兩人自彈自唱，木結他配合Ukelele，加上兩把清新靚聲，好啱一路嘆咖啡一路聽，享受一個悠閒嘅下午。
而且Robynn & Kendy仲上過《中國好聲音》，加入「楊坤組」仲打到入八強，所以令更多人認識。話雖如此，但係仍然有好多人未分到Robynn同Kendy。
Robynn(葉晴晴)最多人知佢嘅身份，就係「葉劍英孫女」，不過今次唔係要比較佢同Kendy家底，純粹講吓從外表上點睇分Robynn同Kendy。
首先，兩人身型都好易分，Kendy本身就有啲肉地，面圓圓，睇落仲有少少似李詩韻(現名李施嬅)。而Robynn就骨感啲，亦都高冢䠷啲。