【未領證結婚?】霍建華林心如告宋祖德索償百五萬人民幣

【未領證結婚?】
霍建華林心如告宋祖德索償百五萬人民幣

早前聲稱謝霆鋒同王菲已經分咗手嘅微博「名嘴」宋祖德,曾揚言消息錯誤會「直播吃400克狗屎」,之後霆鋒同經理人霍汶希就遭受網路誹謗一事發聲明,,至於宋祖德喺事後迅速「跪低」,話要向霆鋒、楊受成說聲感謝,指多謝佢哋善意批評。

呢位宋祖德火藥味十足,上個月又喺微博指霍建華同林心如只係舉辦咗婚禮,但由於未領證,喺法律上並唔係夫妻,兩人只係「非法同居」。事後霍建華同林心如發聲明,指宋祖德發佈惡意訊息,並澄清已辦理所有結婚手續,及保留法律追究權利。

昨日北京海淀法院於官方微博公佈,呢篇題為《霍建華與林心如竟然沒有領結婚證》嘅文章,令霍建華及林心如形象受損,兩人已分別起訴宋祖德及微夢創科公司,法院已受理案件。

兩人分別要求刪除文章連結、封鎖宋祖德帳戶及要求宋祖德公開賠禮道歉,包括精神損害撫慰金50萬人民幣及經濟損失100萬元人民幣。