端午節剛過，龍舟鼓聲響未停。用槳扒龍船大家睇得多，用手扒龍船你又睇過未？正喺中環海濱舉行嘅「香港龍舟嘉年華」，今年加插龍船障礙賽，等參賽健兒體驗吓用手扒龍船嘅滋味。
冇舵手 要轉360度彎
旅遊發展局日前安排港大龍舟隊示範障礙賽仲有咩規矩，教練郭滿興話，障礙賽規定起步時要用手掌扒，唔准用槳扒，龍船要去到指定浮波，先可以落槳扒。參賽龍船冇舵手，而且唔只向前，仲要繞過S彎、轉180度及360度急彎，再扒返終點。考驗隊員向前、倒後技術，考驗鼓手與整隊高度合作精神。
港大龍舟隊女隊長謝苡騫手瓜起𦟌，佢話真係少啲力氣同技巧都唔掂，仲要成船人互相協調。除咗成日「操艇」，仲要喺健身室練體能。
障礙賽「Red Bull Dragon Roar中環體驗賽」會喺明日中環海濱舉行。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk