過去喺立法會發言時，鬧出唔少笑話嘅新民黨議員兼大律師容海恩，最近接受「香港模擬立法會」即問即答訪問時，多次失控喪笑，答案亦令唔少網民笑爆嘴。被問到最想同18歲嘅自己講乜嘢時，曾被謝偉俊寸佢連基本法律知識都冇嘅容大狀，竟然答：「唔好讀咁多書！」
問到如果聽日世界末日，最想同邊個議員留喺議事廳時，容大狀就話：「葉太。」世界末日都要俾黨友掹住開會，唔知葉劉聽到，應該開心定傷心？至於對自己身體邊一部份最有自信？曾以「法律界桂綸鎂」自我介紹，又指自己髮型有啲似馬海倫嘅佢，諗都唔諗就答「頭髮」。當被問到邊種交通工具最怕熱嘅IQ題時，容大狀就答「地鐵」，因為「地鐵有散熱線」喎（正確答案為直升機，因為頭上有裝螺旋翼）。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk