回歸後本港經歷了兩次重大金融風暴，現時中港金融經濟關係緊密聯繫，被問及倘若再出現金融風暴，下一波會否發生在中國市場？候任特首林鄭月娥的競選辦主任兼行會成員陳智思認為無從估計，但同意若內地經濟有重大事件發生，「你話香港唔受影響都無人信㗎啦，一定有既嘞，內地經濟有乜轉變，對香港亦會有直接影響。」
不過，他相信本港成功渡過兩次金融風暴，98年政府入市雖曾一度引起爭議，惟最終證明有效化解危機，本地金融系統並無重大問題，「經過20年防禦強咗好多」。另邊廂內地亦朝市場化經濟發展，監管制度愈來愈嚴謹，但「始終內地市場透明度低啲，大家亦唔係好理解，變咗會擔心。」
展望前景，他相信香港金融體系、貨幣政策及離岸中心的獨特定位，會繼續是一個穩妥讓內地有信心的平台，「喺最少未來10年內，我睇唔到有乜原因需要更改或取替佢。」回顧廿年，他指香港的國際金融中心定位「一直無變過」，「唯一變咗係內地經濟突飛猛進，內地經濟體今日咁大，帶動咗全球經濟鏈。」
近年中資滲透香港資本市場，本港監管機構備受挑戰，對近年本港監管標準有無走樣，陳智思沒有正面回應，只表示法律保障及監管體制，一直是本港獨特優勢及外界信心所在，「呢啲係香港最煞食嘅地方...若果個平台唔能夠維持，講真香港既功能就真係被淡化咗...作為把關既證監會或港交所等，佢哋既監管要求一定要有，否則香港聲譽會受損。」
身兼國企民企獨董的陳智思，深明中港企管文化有別，但他強調「唔同唔等於差啲」，內地企業亦想慢慢改變，也明白他們要面向世界，只是改變速度較慢，香港認識內地文化，因此更能居中協調發揮功能，「唔等於要跟咗佢哋既文化，而係佢哋跟香港我哋嗰套監管。」
記者：劉美儀
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk