今年特區政府搞回歸20周年官方活動，其中一項就係由各司局長落區，向長者及有需要家庭派福袋，之前政務司司長張建宗等已去過，噚日到商務及經濟發展局局長蘇錦樑落區派福袋。
Greg So噚日喺社交網貼咗幾張落區探訪長者嘅相，佢話噚日同商經局官員、中西區民政處專員、地區及社福機構朋友，落區探訪長者及有需要家庭，其間仲同市民交流，聽佢哋講自己嘅故事，覺得今次活動，係官員了解市民日常生活嘅好機會，而且對建設關愛社區都相當重要。Greg So幾乎肯定7月1日後就離開政府，希望下屆政府官員，可以明白落區聽民意係好重要，唔好成日只識縮喺政府總部。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk