立法會下月中就放暑假，今年秘書處搞搞新意思，就係休會後搞番個音樂會，當然亦都要順應回歸20周年大潮流，搞番個慶回歸展。
今個年度最後一次嘅立法會大會喺7月12日舉行，開埋呢次就放暑假，所以立法會秘書處就係下個月14號舉辦「與立法會議員暢談」暨午間音樂會，搵嚟滬江小學中樂團同埋匡智張玉瓊晨輝學校敲擊樂團表演，音樂會完咗仲有個雞尾酒會。除咗現任議員有得睇，秘書處仲請埋前任議員一齊嚟睇。
至於下個月3號至7月尾，立法會亦會舉辦「回顧與展望」展覽，畀市民認識吓回歸以來立法會議員嘅工作。其實立法會大堂有咁多地方，久唔久搞吓活動都可算地盡其用。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk