【本報訊】前財爺曾俊華常被外界指為守財奴，年年估低盈餘。候任特首林鄭月娥競選團隊資深顧問、金管局前總裁任志剛認為，過去10年香港公共財政上出現結構性盈餘，「即係政府喺經濟上向市民攞多咗錢，多過佢使（在市民身上）嘅錢，係有拖香港經濟增長嘅後腿」。林鄭競選時，拋出改善社會民生的政綱，單是教育開支便倡議年增50億元，又高舉財金政策新思維。
倘市場失效 政府應干預
任稱形成結構性財政盈餘原因很多，當中亦可能包括立法會拉布，但無論如何，「政府使錢使唔到，我覺得（結構性盈餘）應該要處理，如果處理成功，可以有空間增加政府開支，希望可選擇一啲提升促進香港生產力嘅環節，然後提升GDP，經濟增長快咗，政府收入亦會增加……呢個係優性循環，唔係惡性循環」。既然增加使費，那下屆政府會否出現赤字預算？他指增開支「唔等於」要赤字預算，收多少便用多少在市民身上，「量入為出咪更符合《基本法》」。
20年前本港回歸翌日，亞洲金融風暴揭幕，政府在1998年動用外匯基金入市殺鱷，捍衞聯匯。曾是夏鼎基（港英年代財爺）積極不干預自由市場主義信徒的任志剛，是否已棄「大市場小政府」哲學，轉向有所為的大政府主義？
任說：「我唔鍾意標籤化，我哋底線係市場經濟係好嘅，我哋要擁抱市場經濟，但實事求是，市場冇十全十美，會有失效時候，當市場失效大眾利益有損害，當然係政府當局去維持大眾利益，要有所行動，包括干預或參與市場嘅行動，好似98年入市……如果冇人提供土地畀人起樓住，冇人修橋起路，冇人起機場，市場做唔到嘅一定係政府做，咁政府參與嘅程度係可以改變㗎喎。」他認為，該干預的時候當局便要果斷干預，但必須有理有據，向公眾問責，作出解釋，並與各界討論交流。
■記者劉美儀
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk