本港前冠軍練馬師、49歲的葉楚航向來好動，日前他在社交網站上載自己踩越野單車衝落山的片段，平日他積極打羽毛球等，做不同運動，以操弗自己，這天（2日）更見他戎裝操馬，真的非常勤力。
葉楚航說：「其實我在晨課操番馬，已有成個星期了，可能之前沒有人留意到，今早我操了『慷慨寶』、『保羅威威』，在內圈跑道踱步。至於我操番馬的原因，是馬房人手不足，所以我都要幫手。加上我都想透過跨上馬背，親自感受各駒的進度。我其中一位騎馬人余健誠，即將跟隨其姐姐苗禮德馬房副練余詠詩，下季轉去新任練馬師麥菲文馬房幫手，意味屆時我廐又少一位騎馬人，所以我要操番馬，以解決人手不足問題。」
睇番航哥今早親試的「慷慨寶」，呢匹馬連仗接近卻未勝，慶幸評分已減至49分本身新低，上場谷草1200米輸在排12檔太差，稍後報名出賽只要抽到靚位，隨時可取得突破。