香港第二間LEGO Certified Store，下月登陸銅鑼灣時代廣場。呢間由Kidsland凱知樂控股集團管理及經營嘅樂高認證專門店，總面積逾4千平方呎，係繼朗豪坊後第二間喺香港開設嘅LEGO Store。
公司話呀，新店會秉承全球樂高認證專門店啟發小朋友同培養創意嘅宗旨，為細路仔同埋佢哋嘅家庭，帶嚟創新同獨一無二嘅玩樂體驗。凱知樂控股集團副主席盧永仁話喎，公司會適時擴展，為不同年齡嘅樂高愛好者提供更多獨家產品同購物體驗，以回報廣大樂高迷嘅支持。
其實公司去年曾經話過，未來3年會開設3至4間分店，銅鑼灣外會喺新界物色地方。而樂高認證專門店按傳統，新店會有限量版套裝發售，但暫未知銅鑼灣店有冇呢個安排。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk