陳松伶出道時與「契姐」阿寶及契妹Han經常為伴，三人更結義金蘭，可是松松於05年突然搬離阿寶的家，並向傳媒稱遭阿寶騙走全部身家，當時身無分文，只帶着內衣褲被趕出家門。事隔十二年，阿寶和Han聯手出自傳，揭陳松伶私密，指有人為塑造慘情形象講大話。松松前晚打破緘默向傳媒發聲明指阿寶及Han之言論失實。
松松昨日與李樂詩和韋綺姍到土瓜灣，出席賈思樂於下周舉行的演唱會綵排。松松姍姍來遲，昨午約3時多出現，她甫下黑色七人車，先與女友人擁抱，然後才入內。心事重重的松松其後捉實賈思樂的手接受傳媒訪問，全程強顏歡笑。
松松講到舊事都有口震震，她說：「我哋好多開心事可以分享。」問到阿寶與Han的言論會否影響心情？她聽後先呆了幾秒，眼濕濕的松松回應：「正常人都會有影響，但我一定要做我個騷，唔可以影響個騷。」是否獲友人力撐，身旁的韋綺姍即表態支持。
「我好重感情」
對於被斥忘恩負義，松松雖獲公關及助手嘗試中止訪問，但她繼續留步回應：「我係一個好容易感動嘅人，我係一個好重感情嘅人。」是否保留法律追究權利？松松說：「已經喺聲明講咗我需要講嘅嘢，簡而清咁表達咗。」這件事可會影響到松松的新加坡朋友？她說：「影響我就好肯定，同埋影響到我嘅家人、好朋友，我自己好內疚，我心入面好內疚。」
採訪：羅慧敏
攝影：仇志德