皇馬球星基斯坦奴朗拿度（C朗），家陣正喺度加緊備戰周六歐聯決賽。C朗職業生涯幾乎贏盡各大錦標，淨係金球獎都贏過四次。不過現年32歲嘅C朗當被問及打算幾時退休，佢就話自己仲有排玩，起碼踢到41歲！C朗日前接受電視台訪問，主持問佢會唔會踢到40歲先掛靴，佢就回應話：「41！我最近先同皇馬續約，相信再動筆續新約嘅次數唔會太多，但我相信自己可以踢到41歲。」C朗亦暗示唔排除離開皇馬返英格蘭球壇嘅可能性：「喺英格蘭有非常美好嘅回憶，我一直都好懷念。」
歐聯決賽殺到嚟，想知兩隊更多分析，可以登入呢個網睇多啲﹕
http://bit.ly/2017uefa