【本報訊】熱愛攝影的80後業餘攝影師梁瑋鑫（William），20多年來走遍全港公共屋邨，用相機拍下多達20萬張相片，見證香港公屋變遷。回歸20年，多條公共屋邨拆卸重建，但部份公共屋邨，例如有近60年歷史的西環邨，仍保留殖民時期「大騎樓」的建築特色。
37歲的William是一名公屋迷，14歲開始拿着爸爸的「儍瓜機」影公屋。他雖從未住過公屋，但從小就與公屋結緣，「細個住喺沙田愉城苑（居屋），成日會經過沙角邨，自己個屋苑冇遊樂場，就去公屋遊樂場玩」。他鍾情公屋的設計及外觀，「好似瀝源邨𠵱家係黃色、藍色嘅外牆，10年前就係成幢綠色、白色，每隔一段時間就會重新粉飾一次，每條屋邨都唔同，有自己嘅特色」。過去20年，他走遍逾200條公共屋邨，拍下逾20萬張相片，「全港屋邨幾乎影晒，只差屬禁區嘅沙頭角邨未影」。
獨特舊屋邨相繼拆卸
William見證本港公共屋邨由最早期的徙置大廈，發展成70至90年代標準型設計屋邨，至最新落成的沙田水泉澳邨，「每個時代都有佢（屋邨）自己嘅特色」。回歸20年，多條公共屋邨拆卸重建，港人要尋回殖民地建築特色的屋邨，相信僅餘屬舊長型的西環邨。他稱西環邨設計及規劃由英國建築師負責，大廈設大騎樓，單位面積35.5至56.3平方米，而與之相同的建築如北角邨及蘇屋邨已清拆。
20年過去，William發現公屋最明顯變化是單位面積縮水，舉例90年代初興建的和諧式公屋如天水圍天耀邨，一房單位面積達35平方米；但現時最新落成的屋邨，一房單位僅30平方米，「以前房署會預多（空間），單位冇預到咁盡，但𠵱家細咗好多」。
近年William將相片放上社交網頁，開設「香港公共屋邨圖片集」專頁，吸引不少網民關注。
■記者譚靜雯
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk