【本報訊】特首梁振英UGL案近日再受社會關注，他昨出席任內最後一次立法會答問大會，遭民主派就UGL案全面圍攻，梁亦不甘示弱，一方面反駁民主派炒冷飯，另一方面以北京作擋箭牌，揚言中央對其交代UGL事件感滿意，又暗示不會出席立會調查UGL專責委員會聆訊。民主派質疑梁誤導北京，一旦證明他真的違法，中央就要承擔包庇貪腐的責任。
記者：陳雪玲 呂浩然
立會昨舉行梁振英任內最後一次答問大會，梁振英似有備而來，一開始即花逾10分鐘作開場發言，力數任內功績，惟對UGL事件避而不談，而多名建制派議員也配合梁拉布，不斷提問讓梁長篇大論回應，虛耗答問大會時間。
民主派就由民主黨胡志偉打響狙擊梁振英第一槍。他指梁「冇問題就唔會咁騰雞」，並以內地去年公佈防止幹部「帶病提拔」說明書作例子，炮轟梁在UGL事件中「貪得無厭、欺上瞞下，做國家領導人唔係免死金牌」，強調「當年令計劃都係政協副主席，最終都要被雙規，你擔唔擔心做咗政協副主席同佢一樣有咁嘅下場？」
梁反指胡炒作事件，重申中央對港發生每件事及言論都很清楚，他亦主動向中央交代UGL事件，揚言「中央亦都係滿意嘅，中央唔係唔知道，所以胡志偉議員喺兩年半後嘅今日再去提呢啲問題出嚟，除咗政治炒作之外，我諗唔到有啲咩其他目的」。
暗示不出席委員會聆訊
公民黨譚文豪接力開炮，追問梁會否出席立會調查UGL事件專責委員會的聆訊。梁即時以強硬態度回應，暗示不會出席，「視乎呢個調查委員會嘅作用係乜嘢，如果調查委員會嘅作用只不過係炒冷飯、做政治騷，咁我相信任何一個人個答案都會好簡單」。譚隨即斥責梁私通民建聯周浩鼎，梁即推說專責委員會研究範圍「應該係全面嘅」，認為現時範圍「係有值得斟酌嘅地方」。
抽中壓軸提問的民主黨林卓廷轉而質詢梁與UGL簽訂的協議，強調「行政會議所有嘅成員可唔可以效法你，喺做行會之前簽個咁嘅協議，幫大企業、大商家提供顧問服務，唔需要申報利益？」梁振英開始有點動氣，先批評林卓廷斷章取義，之後叫林應以常識了解事件，指外國執法機關表明不會調查事件、香港和英國稅局亦沒接觸他，甚至指「如果（與UGL的協議）係一份貪腐或不正當嘅協議，會唔會搵律師起草？」林卓廷於答問大會結束時，再向梁高呼反駁：「唔好再呃人，人渣！」
林卓廷質疑北京遭誤導
因評論UGL事件遭梁振英控告誹謗的梁繼昌，昨未有質問梁振英UGL事件問題，他先打趣說：「終於有機會同你直接對話，唔使隔空對話。」接着詢問梁近日修訂《稅務條例》期間，港府應國際組織要求提出修正案，有否影響本港立法自主。梁振英回應前先揶揄梁繼昌，若真的反對外國政府指指點點，「我將來會有好多例子，請梁繼昌議員去質疑呢啲外國政府同外國組織」。梁繼昌事後解釋，仍有其他場合可跟進UGL問題，加上相信即使問了亦「唔會有答案」，故沒在答問大會問UGL問題。
林卓廷答問大會後稱，梁振英搬出中央滿意其就UGL事件的解釋，只是片面之辭，甚或以此為擋箭牌，意圖向執法機構施壓，「佢點同北京講我哋點知」，質疑北京有否遭梁誤導，強調梁振英獲委任為全國政協副主席前，民主派已去信北京，表明若梁最後被揭貪腐違法，北京「肉酸」之餘，更要負最後責任。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk