荷蘭喺周三上演嘅國際賽作客摩洛哥，22分鐘，就由昆斯普美斯接應迪比傳送開紀錄；換邊後，雲遜贊臣喺禁區內射成2:0。僅兩分鐘後，只有17歲292日嘅阿積士新星馬菲斯迪歷特因從後拉跌對方球員領紅被逐，摩洛哥獲得罰球由布蘇化射入追成1:2。荷蘭最終亦以2:1勝出，第二次代表橙軍出賽嘅迪歷特則打破由告魯夫保持荷蘭國家隊被逐球員最年輕紀錄。