現年56歲的林偉健80年代加入無綫，香港體操隊出身，每年台慶都會見到他表演，出道作品是跟周潤發合作《孤城客》。近年在內地拍劇的他，最近將頭髮染金，在網劇中飾演黑幫大佬。
兒子北京讀醫科
日前林偉健接受訪問，透露在二十多年前曾結婚，他說：「30幾歲時同一位圈外女仔結婚，囝囝今年都20幾歲，不過好多年前已經回復單身，囝囝喺北京讀緊大學，主修醫科。」林偉健12歲時跟同學報名參加器械操課外活動，加入體操隊是誤打誤撞，他說：「入咗校隊日操夜操，嗰時都有好多fans，校花仲試過偷偷寫情信畀我。」他表示初戀是加入無綫後，結識黃曼凝。
離開無綫後，林偉健去過澳門電視台同馬來西亞發展，後來導演王晶找他回港拍三級片，如《滿清十大酷刑之赤裸凌遲》及《金瓶梅》系列，在《金》片飾演西門慶的他，與若菜光、上原卡艾拉、早川瀨里奈等日本艷星床戰，恨死不少宅男。不過林偉健表示拍攝時並非大家所想的開心：「其實唔享受，鏡頭面前得你兩個人，鏡頭後面有40幾個工作人員。」
最難忘的一次經歷，林偉健指是來自《金瓶梅》：「喺山寨同個賊婆娘床戰，喺空中吊威吔，一齊打個空翻落到地下，抱住佢原地跳3分鐘，自己跳都會冇氣，仲要抱住一個人跳。因為個時菲林貴，盡量唔好NG。」
讚女演員有道德
林偉健自言接拍三級片都是打份工，他說：「拍三級片拍床戲仲辛苦過拍打戲，啲女演員演員道德好好，我哋好尊敬佢。有場喺台灣拍監倉戲，試戲時已經畀啲蝨咬到成身都係，佢話唔使唞，拍完都冇一句怨言。」拍超過10部三級片，他曾問過晶哥為何要找自己，晶哥的回覆是「幾好吖，都冇乜點變，又有經驗，又少NG，點解唔搵。」
採訪：何永寧
攝影：陳慧安